 |
| الشاعرة: حليمة بوعلاّق/ تونس |
ركبت الهوى
ركبت الهوى ظنّيتْ بحره سْفينة
نلقاه برزخ للجفاء داعينا
****
نلقى الرّياحْ العاتيه تْشقْلِبْنا بين الهوى والصدْ تعصفْ بِيّ
وحتّى الأمل في أحلامنا كذّبْنا
وأنا لْعشقْتِكْ بالصّفاء والنّيّة
رفعتِكْ شراعي للهناء يصوّبنا
نحسابْ نجمكْ للحنين ثنيّة
نحساب بحر أشواقنا يجلبنا
وأمواج ليل الشّوق تحكي عليّ
هبّتْ عواصف دمّرتْ مركبنا
ما بين جزر ومدْ عبثتْ بيّ
زاد الزّمن من علْقْمَه شرّبنا
ونا ماسكة عَلْجَمرْ بين يديّ
حتّى القمرْ من صحْبْته شطّبنا
وصارتْ أغاني حبّنا مرثيّة
وقت الصّلاة علْقِبْلْته غرّبْنا علْودْ صمنا وللجفاء صلّينا
ناحتْ قصايد حبّنا وما كتبنا ورجعتْ ليالي أشواقنا ترثينا.
حليمة بوعلاق/ تونس
شعر شعبي تونسي