 |
| الشاعر: محمّد مامي/ تونس |
هديّة إلى حراير تونس
لو ترضي عْلِيَّا يا يَمَّـة
في حضورك تتْجلّى الغُمّة
في غيابك ما تخْلى لَـمَّــة
مهْما يجْرى راني وُليدك
جيت نهنّي فيك بعيدك
*****
ممكن تكوني البنّوتة
تفْرح تتْزغْدر كي الحوتة
تعلّيلي راسي ما يُوطـا
الدّنيا ما تضاهيش زينك
ولا تقبل زلّة في دينك
*****
أنت المحْبُوبة المصون
أصالة ومُحال تْخُــون
أنت ليلى وأنا المجنون
في الصّخْوَة نحبّ نغنِّي لك
عيدي لا يحْلى بْلا عِيـدك
*****
للّة أختي يا وُراس عيونك
لا ننسى دسّــة عـبُّـونِـكْ
نحْرصْ طُول حياتي نْصُونك
في ممُّـو عِينَـيَّـا نْـشِيـلِـكْ
ولا نقْدِرْشِ نْـردّ جْمِيلـك
*****
هديّة لحراير تونس (الأم - البنت - الزّوجة - والأخت) بمناسبة عيد المرأة التونسيّة 13 أوت 2022
الشّاعر: محمّد مامي/ تونس
ليست هناك تعليقات:
إرسال تعليق
يتم نشر التعليق بعد المراجعة